بقلم الكاتبة والاعلاميه نيللى جمال الحمزاوى نائب رئيس التحرير
لما تكون موجود فى بيتك وسط اهلك والدنيا برد وبتحاولوا كلكم تتجمعوا فى مكان واحد والباب مقفول عليكم وكل البيوت والشبابيك طالع منها نور بيقول ان الناس دى سهرانة فى البيت من برد الشارع
وفى نفس الوقت فى أطفال فى الشارع مش لاقية مكان تتحما فيه ولا اكلة حلوة ولا صحة قادرة تقاوم برد الشتا
اية الأسباب اللازم نفكر فيها قبل مانعطف عليهم بااكله او هدَّمه او بطانية الاسباب تتخلص فى كلمة واحدة الاسرة
لو تفكك اسري هيكون بسبب المشاكل الزوجية اللى بتحصل من غير تفكير فى التوابع
لو زيادة فى عدد الأطفال او الإنجاب هتكون الاسرة السبب لأنهم بكدة بتزيد عليهم المسئوليات
وبتزيد فرص اللجوء للشارع لعمل الأطفال وبيزيد نسب التسرب من التعليم لزيادة الاعباء الاجتماعية
لو سوء البيئة المحيطة بردوا الاسرة هى اول بيئة محيطة للطفل
لو حب الحرية الزايدة للطفل وإحساسه انه انه حر وهروب من الاسرة وهذا إيضا لوجود بعض الأفكار والمشاعر الناتجة عن التربية الخاطئة
ومشاكل اقتصادية واجتماعية وتستلزم كمان تأهيل اسري صحيح
واية التأثيرات إللى ممكن تحصل
تأثيرات كبيرة وخطيرة جدا تأثيرات نفسية واجتماعية وأمنية وصحية وفى النهاية احنا المسئولين والطفل مستقبلنا وهو الضحية
نقدر نواجه المشكلة دى ونقول لية لاء نكون كلنا تحت سقف واحد سقف بيتنا يحمينا ووطنا داعم لينا
فى البداية لازم يكون فى جهات مسئولة عن رصد الإعداد الحقيقة لاطفال الشوارع او من هم دون مأوى
انشاء مؤسسات اجتماعية تعمل على التوعية الاسرية
انشاء نظام اجتماعى يحافظ على حقوق الطفل
تأهيل الأطفال العاملين ببيئات ضارة ومهن غير مناسبة لوجود فرص مناسبة لعمره وقدراته
انشاء أماكن رعاية خاصةلاطفال الشوارع
تفعيل دور الاعلام بوسائله المختلفة لوعى المجتمع وليست هدم المجتمع وعكس الصور السلبية فقط
هنكون تحت سقف واحد ووعى مجتمعى دائم اطفالنا املنا ومستقبلنا لية لاء ؟
