بقلم هبه السواح
بيتحقق اول ماتبدأ التنفيذ في فكره ازاهد الدنيا وسخافتها وقتها هتحس ان كل حاجه كانت بتحرق دمك اتفه من انك تدمر نفسيتك عشانها خصوصآ ان محدش هيسلفك صحته وراحته لو انت وقعت من طولك وراحت عليك، وان اللي ساهموا بشكل كبير في اجهادك النفسي مش هيعترفوا بكده بل هيشيلوك المسؤليه..
يبقي الأفضل انك تفوق لروحك وتخاف علي سلامتك النفسيه احسن مايجيلك جلطه في الدم نتيجة انك بتنام يوميآ مقهور علي حالك..
طريقة عمل السلام الداخلي مكوناتها بسيطه ومن مطبخ إرادتك وهي كالأتي :
?اسعد نفسك بأبسط الأمور ونضيف عليهم شوية اهتمام لصحتك
?متعاتبش حد عشان معدل الضغط مايرتفعش
? قرب من ربك وأكثر من الدعاء والإستغفار بيخلوا طعم السلام الداخلي اكتر من رائع
? حاول تساعد اللي محتاجلك واقضي حاجته لو تقدر
?اتونس بالناس اللي بتحبهم وبيحبوك واستمد طاقتك من الطبيعه ومن الناس الإيجابيه
?بأكد تاني متعاتبش حد علي تصرفاته السيئه معاك عشان مضر بالصحه
? اقرا كتاب بتحبه، قهوتك، اتفرج علي كرتون، خلوتك الهاديه اصلح نفسك، اشتغل بحب، ساعد غير ينجح
?إلعب مع طفل بتحبه وانزل لسنه وانسي معاه انك كبرت
? طهر قلبك وغذيه علي الحب والتسامح والمكونات دي بتعلي هرمون السعاده وصفاء الذهن
?اعمل خير وماتستناش شكر ولا تقدير اعمله لوجه الله العظيم “إن الله شـاكرُ عليــم”
اخلط كل المكونات دي ودخلهم عقلك الباطن عشان يتغذي عليهم وابدأ حياة جـديده وبالهنا والشفا
تحياتي..
مدرب العلـاقات الـإنســانيه
والتطوير الذاتي
هبـــــ?ــــه السواح
