بقلم رانيا صلاح
ادعوا ربنا يبعتلكم الناس اللي بتحبكم بجد ، الناس اللي تعرف قيمتكم ، بوجودكم وغيابكم.. ناس تشوف الحلو فيكم اكتر حتي لو الوحش هو اللي كان كتير .. ناس بتعرف تتكلم بتعرف تمدح متعرفش تجرح.. ناس بيقدروا اللي قدامهم ،، ناس عاليه بروحها .. ناس تعرف تحتويكم، ناس تعرف تطمنكم وتحسسكم بالأمان.. والقليل منكم ليهم بالنسبة لهم كتير.. محدش مافيهوش عيوب ونقص احنا بني آدمين وكلنا متغطين بستر ربنا ورضاه اللي لو ضاع هنضيع.. بس بردوا محدش مافيهوش مميزات وصفات حلوه ..مش كل حد بيشوفها.. كل حد بيشوف اللي قدامه بعينه..الناس اللي متعرفش قيمتك وانت في ازهي حالاتك وقمة عطائك عمرهم ما هيعرفوا قيمتك بعدين ولا قدام ولا هيعذروك وانت محطم وتعبان.. ادعوا ربنا يرزقكم ب ناس تجمع الحطام وتعمل منه تمثال راقي فيه حياة مليان حب وضحك وسعادة وعطاء وفرحة.. دوروا علي الناس اللي بتضحكوا من قلبكم معاهم وحافظوا عليهم.. ابعدوا من اللي دايما شايفين انك وحش ومبتعملش حاجة ولازم تتغير..قربوا من اللي بتحسوا انهم فرحانين بيكم وانتوا معاهم ، وبيحبوا قربكم ووجودكم ..
الدنيا مش معركة ولا منافسة مين هيعرف يتغير ويسبق ويوصل وينجح بس .. الدنيا بسيطة .. وبتروح ف ثانية ..
لو هتعيش ده علي حساب سعادتك الايام اللي انت عايش فيها يبقي انت مش عايش.
مهما طال العمر والايام ..هتخلص .. وهنسيب بس اثر طيب او وحش منا للي حوالينا لو افتكرونا.
يارب منتنساش ويارب نسيب اثر طيب
