بقلم هبه السواح
ثق بنفسك..
ببساطه شديده
يعني خليك مؤمن ومتأكد انك رائع ربنا خلقك ونفخ فيك من روحه وفضلك عن سائر مخلوقاته،
وهبك قلب وعقل عشان يكون ميزانك في الحياه تعتدل من خلالهم، خليك واثق ان مافيش حد احسن منك الفرق الوحيد بينك وبين اي انسان هو الأخلاق
يعني الأخلاق ثم الأخلاق لكن خلي نظرتك لنفسك نظره محترمه اوعي تشوفها مهزوزه او قليله او تتأثر برأي حد فيك لانه في الاخر مجرد كلام اتقال انت مالكش علاقه بيه، مش معني ان فيه ناس بتاكل بالشوقه والسكينه تبقي انت بيئه عشان بتاكل بإيديك فتخاف تتعزم عند حد ليتريقوا عليك خليك علي طبيعتك سيدنا النبي صل الله عليه وسلم كان لما ياكل ويشبع يمص أصابعه الشريفه ” قولتلي مين؟ ” بقولك سيدنا النبي ارقي خلق الله صل الله عليه وسلم، لما تعقد وسط ناس بيتناقشوا اتكلم عادي وشارك ماتخافش هما مش احسن منك عبر علي اللي انت نفسك تتكلم فيه انت ممكن بكلمه منك تملك النقاش من حكمه بسيطآ قولتها، احذر انك تقارن نفسك بحد وتشوف نفسك اقل من اي حد المقارنه من اكبر اسباب الاحباط وتدمير الصوره الذاتية داخل كل انسان وتخلي دايماً ثقته بنفسه هشه وتتأثر بأي اراء سلبيه عنه.
عايزه اقولك انك لازم تؤمن بشخصيتك وبفكرك وكل ماتكون عايز تعلي ثقتك بنفسك في اي موقف تخيل اكتر موقف كنت فيه قوي لو اكتر انسان قدوه ليك في الثقه بالنفس وتخيله اودامك وبيقولك انت رائع واستحضره واتنفسه زود ثقتك بنفس بإخلاقك مادامت شخصيتك محبه للخير تأكد ان ربنا هيبارك فيك وهيساعدك دايماً في بناء شخصيتك لأفضل صوره.
مدرب العلـاقات الـإنســانيه
والتطوير الذاتي
هبـــــ?ـــــــــه السواح
