بقلم الاعلامية بسمه إبراهيم
بأمانة يا ريس انت خلتنا مش عارفين نبرر ولا نتكلم مع الناس ولا نحاول نفهمهم ده بيحصل ليه وعشان ايه..
عارفه إن ده لازم يحصل.. وعارفه انه تراكمات سنين ولو كان اتعمل من زمان على فترات مكناش هنحس بيه.. وعارفه إن إحنا الجيل اللي هيطلع عين أمه ويشيل فاتورة إصلاح الإقتصاد..
لكن مش كله ضرب ضرب كدة.. الناس مش هتقدر تستحمل اللي التجار هيعملوه فينا..
حضرتك السواقين والتجار إنهاردة في غاية السعادة بالقرار ده.. لأنهم قصاد الجنيه اللي انت بتزوده عليهم.. هما بياخدوه مننا 10 جنيه.. اه والله العظيم يا ريس 10 جنيه..
ده جزء صغير من الصورة.. لو مستشارينك مش بيوصلولك الصورة دي.. ويختاروا التوقيتات المناسبة وطرق مواجهة الأثار المترتبة على القرارات..
يبقى اسمحلي اقولك ان الناس دي هتغرقك وتغرقنا وتدمر أي إنجاز انت بتعمله..
كل شئ بيزيد وبيرتفع سعره ولسه في معاشات 350 جنيه احنا كدا هنخلق جيل فاسد واحنا بندي الفرصه ان الشباب بتاعنا يقع في المصيده انا نفسي مصر تبقي احلي بلد في الدنيا لكن الناس بتموت بالبطئ هيكلو وبيشربو ولا يجيبو علاج ولا يدفع قسط عربيته اللي جابه عشان يحمي نفسه وعايلته من قطاعين الطرق والله حرام
