هدي وعيش
كلمات الكاتب والشاعر عمر عبدالعزيز زهيري
لما تهدي فوسط سباق
غمض عينك
وافتكر انك انت المكسب
لاحسن تفضل تجري وتجري
بتسابق عمرك وبيسبق..منك يجري
وهتحسبها
ان كنت كسبت الكون كله
بس خسرته
يبقي هباء
لما تهدي
ما تفكرشي ايه هيفوتك
مين هيعدي
احضن احلامك في الضلمه
تلقي الدنيا فحضنك نايمه
وتحس بطعم الايام
مش هيفوتك ابدا أكتر
الضايع في الجري بيكتر
ويتوه حلمك في الاحلام.
حس بحلمك عيش وياه
اتمرد علي أااااهه واه
حس جمال اللحظه وعيش
وانتي بتجري
الدنيا بهتانه وحلمك
لا بتوصله
ولا بيجيش
تابعه ضروري وانت بتضحك
ان ماوصلتش
برضه تبقي انت الكسبان
تبقي حاولت وشفت عشت
واما هتيجي فلحظه وتحسب
تلقي الكون منك بيشت
ده انت حروف في الدنيا وعدت
اتكتبت لحظات واتمسحت
اذا مانتش بس اللي حاسسها
اذا مانتش بطريقتك بسس كنت عايشها
مهما عملت
تبقي أكيد انت الخسران.
