بقلم الكاتب الصحفى مصطفى كامل سيف الدين رئيس مجلس الإدارة والتحرير
أحترت كثيرا فى عنوان المقال مابين للكبار فقط والفكر المصرى العاهر والدعارة الفكريه وسياسه شعب وكما تعلمون أحبتى انه ليس من عادتي أن أقسو بألفاظي في مقال نقدي على إى أحد لأننى تربيت على يد أبي فى زمن كانت فيه الاخلاق عمله ليس نادرة
-نُلاحظ أنَّ الأمة في وقتِنا الراهن تُعاني من ضعْف، إنْ لم يكن انعدامًا في القِيم والأخلاق على كافَّة المستويات، فهناك أزمةٌ أخلاقية بين الحُكَّام والمحكومين، والرئيس ومرؤوسيه، وبين المدير والعاملين، وبين المعلِّم وطلاَّبه، وبين التاجر والمشتري، وبيْن الرَّجُل والمرأة وأولاده، وأرْحامه وجِيرانه.
إذا شاعت في المجتمع الأخلاق الحسنة من الصدق والأمانة والعدل والنصح أمن الناس وحفظت الحقوق وقويت أواصر المحبة بين أفراد المجتمع وقلت الرذيلة وزادت الفضيلة وقويت شوكة الإسلام ، وإذا شاعت الأخلاق السيئة من الكذب والخيانة والظلم والغش فسد المجتمع واختل الأمن وضاعت الحقوق وانتشرت القطيعة بين أفراد المجتمع وضعفت الشريعة في نفوس أهلها وانقلبت الموازين قال رسول الله صلى الله عليه وسلم : (سيأتي على الناس سنوات خداعة؛ يصدق فيها الكاذب، ويكذب فيها الصادق، ويؤتمن فيها الخائن، ويخون فيها الأمين، وينطق فيها الرويبضة، قيل: ومن الرويبضة يا رسول الله؟! قال: الرجل التافه يتكلم في أمر العامة) رواه أحمد.
والمتأمل في أحوال أمة الإسلام يلحظا ضعفا شديدا في الجانب الأخلاقي وتظهر هذه الأزمة
-يعنى تعمل منشن او تاج بإسم واحده صديقه أو أختك والف حمار يبعتلها طلب اضافة ورسايل حب !
-يعنى واحدة تكتب اى كلام تافه وتاخد اكتر من 700 لايك مجرد انها بنت بس اللايك الشمال
-يعنى تركب ميكروباص تسمع اغانى هابطة كلها إيحاءات جنسية
-يعنى تقعد في فرح لازم تشرب وتسكر “علشان المخدرات اصبحت جزء من الفرحة”
-يعنى لازم تقول لــ امين شرطة او عسكري مرور ياباشا علشان مصالحك تمشي
-يعنى تخاف تقول رأيك بكل صراحة فى مكان عام
-يعنى المطلقة فى مجتمعنا ست مش محترمةورخيصه
-يعنى البنت لو اتاخرت شوية فى الجواز بتبقى عانس
-يعنى كلمة انا مالى ياعم جات عليا انا
-يعنى اعلانات سوبر فياجرا و ان فعلا الحجم بيفرق ومراتك وولادك قاعدين جنبك
-يعني اعلانات ازاى تكبري صدرك فى اقل من اسبوع
– يعنى وقتك قدام برنامج تليفزيونى او مسلسل بيضع كل فى اعلانات رجال الاعمال
ولو مش عجبك اتفرج على الاولى والتانية!
– يعنى موظف لازم تغمزه عشرين جنية علشان يخلص ورقك وبرضه ان كان عجبك
– يعنى تدخل مستشفى حكومى تموت من الاهمال
– يعنى تدخل التأمين الصحي كله يعملك كانك شحات
-يعنى تطعيم ملوث ودم ملوث و اكل مسرطن ومياه مجاري
-يعنى معيد فى كلية يترسم عليك قدام بنت صاحبته
-يعنى دكتور جامعه يشيلك الماده مجرد مشترتش كتابه
-يعنى مجرد ابقى معارض لك فى الرأي ابقى عدوك
-يعنى اعلام بيزيف الحقائق والتاريخ وبيضحك عليك
– يعنى لو معاك فلوس ممكن تعملك قناه او جريدة او مجلة وناس تقتنع بكلامك الجاهل
-يعنى موظف فنى فى سنترال يقطع عليك سلك التليفون علشان تجيبه و ياخد فلوس -يعنى الحمار اللى هيرد عليا دلوقتى ويقولى احمد ربنا مش احسن مانبقى زي سوريا والعراق
خليكم فى حضارة السبع تلاف سنة وخلينا نكتب بوستات ونفرح بكام لايك وشير
