كلمات الشاعر عمر عبدالعزيز زهيري
ندا ضايع
ورجعت من تاني لهناك بعد اما فاتت كام سنه
كل الحاجات هي الحاجات الا انا
مبقيتش انا
راجع وحاسس انه ضايع مني شئ
لا كل شئ
حاسس بانه العمر لسه برضه ماشي
لكنه باهت اصله ضاع الطعم منه والبريق
وبلاقي منك كل حاجه لسه فاضله في المكان
ساعة اللقا
وصوتك اللي زي صوت الفرح لما يبتدي ينده غريق
وسيجارتك المطفيه لسه قايده في قلبي الحريق
لبسك يغطي جرح نازف من دولاب الذكريات
اللبس عايش وانتي تبقي حلم فات؟؟؟
غنوه ونسمه وتاريخ اجمل ميلاد.
ليه كل لحظه حلوه عدت يوم علينا
بقت عذاب
شايفك قصادي فكل خطوه فكل كلمه فكل حركه في النفس وفي السؤال وفي الجواب.
لما بتخذلني عيوني ولما بافتح اي باب.
فين الحقيقه فعمرنا ولايكونش ده سراب.
اذا ده قدرنا !!
كان ايه بيستاهل نضيع لحظه واحده في زعل ولا في خناق.
ازاي اذا بس الحقيقه الوحيده فعمرنا..
هي الفراق
