بقلم : هبه السواح
إذا كــان يهمــك الـأمر أقــرأ للنهــايه
لكـل بنـت ولـكل شــاب فى فتــرة الخطـوبه ..
عايزين نــرتقى بفكرنــا ونعــرف يعنــى ايه خطــوبه ..
الخطوبــه للتــعارف ودراسة الطرفين وقبول وارتياح ،، فترة الخطوبه ومن الافضل لاتقل ولا تزيد عن سنه
الخطوبه واجبه كـى يتعرفا على طباع وميول واتجاهات وافكار بعضهما البعض ليتضح كل شئ
الخطوبه مش عقد جواز يخلينا نتعدى حدودنا مع الله ونفعل مالا يرضيه ومايغضبه
الطرفين لازم يعرفوا كويس ان التجازوات مش امر طبيعى بتفرضه المشاعر وده العادى بين اى اتنين مخطوبين . . احنا بنتعلم نعيش ازاى صح وازاى نخلى حياتنا تمشى برضا ربنا علينا
لازمـ تتأكـدوا ان الحب اللى بيبنـىَ على غير طاعة الله مش حب لكن غايه والحب الحرام ارضه مابتحصدش الا الخبيث ربنا يعافيكم ،، إنمـا الحب اللى بيتخلق من علاقة طيبه شهد عليها المولى ورسوله بتبقى جميله اوى ولذتها مش بتضيع ابدآ لان اساسآ كان ارضاء الله .. ماتستهتروش بأى نصيحه تسمعوها وتقولوا ده العادى بين اى اتنين بلاش نغالط نفسنا .. تـدبروا هـذه الايه دومـآ : بسمـ الله الرحمـن الرحيمـ “وَتَحْسَبُونَهُ هَيِّناً وَهُوَ عِنْدَ اللَّهِ عَظِيمٌ”صدق الله العظيمـ وفى الايه” ﴿ تِلْكَ حُدُودُ اللّهِ فَلاَ تَقْرَبُوهَا ﴾
فترة الخطوبه اتعملت فقط لتعارف الطرفين على بعض وهل يوجد قبول او ارتياح ولا لأ ؟؟
فترة الخطوبه لتبادل الافكار الحياتيه اللى تخلينا نعرف احنا بنفكر ازاى وياترى افكارنا مترابطه ولا لأ ؟؟
فترة الخطوبه لابد من انها تكون تحت اجواء طبيعيه بدون مجاملات عشان نعرف احنا اد المسؤليه ولا لأ ؟؟
فترة الخطوبه ممكن تنجح وممكن لأ وده وراد لاننا قولنا انها تبادل افكار ومعرفة الطباع مع فرق المستوى التفكيرى والدينى وهل الطرفين منسجمين ولا لأ؟؟
فترة الخطوبه عشان نرتقى بتربيتنا وبدينا مش مجرد فرصه جت عشان نفجر الطاقات المكبوته والمشاعر ونبتدى نتعامل معاها على انها عقد جواز
*اسمعينى كويس يابنوته .. وركزى
لما تسمحى لخطيبك انه يتعدي حدوده فى كل وقت انتوا فيه مع بعض ولوحدكم مع باقى التجاوزات اللى بتحصل يبقى ده مش صح وبتغلطى فى حق ربك وحق نفسك كتير اوى والشيطان بيهئ لكمـ ان ده من حقكمـ عــادى يعنى انتوا مخطوبين ..
فين حق ربنا عليكى هل ربنا بيفرح قلبك عشان انتى تغضبيه حافظى على نفسك انتى لؤلؤه ماتستعجليش تخرجى من الصدفه بدرى اوى كده ، يجوز يحصل تجاوزات بينكم وعقابآ من الله تنتهى فترة الخطوبه بعد قضاء الله وقدرة وقتها هتشوفى نفسك ازاى حقل تجارب لكل شخص خطبك لكن طول ماانتى شايفه نفسك جوهره لن يمسك شخص مادام هو عارف انك غاليه وهيخاف يقربلك لانك فهمتيه ان قلبك ملك لله ولو بيحبك هيحافظ عليكى ،وماتنسيش انك صبرتى واتمنيتى ربنا يبعتلك شخص محترم يبقى لازم انتى كمان تتحلى بالحياء والاحترام ماتخونيش عهدك مع الله وثقة اهلك فيكى وكونى كبيره فى نظر نفسك عشان فى يوم تربى بنتك على اخلاقك فأحسنى خلقك وتأكدى ان مهما خطيبك اتمنى قربك او لمسة من ايديكى فهو بيدور على انسانه صالحه كونى قمر عالى فى السما مهما حسيتى انه بيتمنى قربك فهو عايز انسانه تعتز بكيانها وشايف فيها ام صالحه لبنته مهما كانت درجة حبكم لبعض عايز يحس انك غاليه وانك قويه بالله اوعى تضعفى لمغريات ووساوس الشيطان اوعى تخونى ربك ابدآ لان يوم ماهيحصل شئ يضايقك مش هنيصفك الا ربك عارفه ليه لانك نصرتيه قال الله تعالى ” ان تنصروا الله ينصركم ويثبت اقدامكم ”
* والهمسه دى لكل شاب ..
لما تخطب خلى ربنا اودام عينيك فى كل وقت واعرف انه شايفك وعارف تصرفاتك فلا تجعل الله اهون الناظرين اليك ممكن تكون بتختلى بيها بعيد عن انظار اهلها عشان تعبر عن مشاعرك لكن الله وحده شايفك يبقى انت بتدارى نفسك من مين وبتسرق ايه ؟؟ وماتنسـاش انهـا امـانة الله ينفع تتجاوز على امانة الله الا حينمـا يـأذن لك تحلى بأخلاق نبيك وتعامل مع فترة الخطوبه على انها فترة تعارف تتعرف عليها وعلى طباعها واخلاقها ياترى هتكون جديره بيك ولا لا هتكون ام صالحه ولا لأ ماتنساش انك بتختار زوجه تحافظ على شرفك فى غيابك يعنى من الاخر زوجه صالحه ..كن صالح وكن راجل ومن سمات الرجال انهم بيحفظوا على الامانه اللى اؤتمن عليها يعنى اعتبر خطيبتك امانة من الله ياترى هتسرق امانته هتخطف منها شئ مش من حقك ولا ربنا صرحلك بيه ..ياترى هتقول لربنا انا هو بعصيك وهتعدى حدودى معاك ؟؟ عندك جرأه لكده ماتنساش ان نبيك هو محمد ارجل الرجال وارقاهم وألطفهم وارحمهم واحسنهم واجملهم واطهرهم وانقاهم واحلاهم واغلاهم هو سيد الرجال هو الذى قال عنه رب العالمين ” وإنك لعلى خلقِ عظيمـ”
اذا خطبت عن حب شريف او خطبت عن طريق الصالونات وحسيت انك مرتاح فى علاقتك معاها وهى كمان ” فالحالتين حافظ على جوهر قلبك وحافظ عليها وخد عهد مع الله مش هغضبك وهسعى جاهد انى اتمم جوازنا يارب وهتعب ليل نهار وهصلى وهدعى تقربنا تحت طاعتك ورضاك علينا وهحافظ عليها من نفسى ومن فتن الشيطان وشركه وانى هتقى الله فيها وانى هتعامل معاها بما يرضيك وهعينها على طاعتك وانى مقربلهاش ابدآ الا وهى زوجتى على سنتك وسنة رسولك
** هكذا ترتقى بدينك وبنفسك لأنك تستحق الافضل وهى كمان حافظ عليها لانها امانه حافظ عليها من عينيك عشان هيجى يوم لازم تشيلها جوه قلبك قبل عينيك
اللهم من اراد الحب الحلال فيسر امره ولا تصعب عليه حـال واجمعه بمن يحب على ماتحب وترضى
تحياتى :
مدربة العلـاقات الانســانيه
هبـــــه الســــواح
