وأضاف كهربا، خلال حواره فى برنامج “البيت الكبير” المذاع فى قناة الأهلى: “ولسه ملعبتش فى الأهلى بشكل منتظم وخدت 3 بطولات والقادم أفضل”
وتابع: “جونيور أجايى قالى أنت اللى هتجيب الهدف وكأس مصر وكنت نفسى أشارك أكثر من كده، ودائما بفضل النادى على اللاعبين طول المباراة ودول إخواتى ومش فارق معايا أكون أساسى أو احتياطى الأهم هو الفوز وأن البطل يكون الفريق، والأهلى مفيش نجم واحد والفريق هو اللى نجم وهو ما يميز النادى”.
وأضاف: “كنت كل يوم بدعى ربنا أنى أكون موجود فقط فى نهائى دورى أبطال إفريقيا مش علشان اللعب فقط ولكن التواجد، وتمنيت التعافى من الكورونا للتواجد ضمن الفريق فى هذه الفترة المليئة بالبطولات، وكنت قبل المباراة بأسبوع مش عارف أنام والوقت مكانش عاوز يعدى وكنت قلقان جدا على البطولة”.
وأردف: “فى مباراة الاتحاد كنت خلاص نازل وجه للأهلى فاول فطلبت من الحكم تأخير التغيير لأنى كنت نازل مكان حمدى فتحى وهو بيلعب برأسه كويس عنى، وبالفعل نجح قفشة فى تسجيل التعادل ورجعت قعدت تانى ونزلت آخر دقتين فى الماتش”.
واختتم كهربا: “أصعب فترة مرت عليا عندما كنت فى البرتغال وكنت أتعرض أنا ووالدى ووالدتى للشتيمة”
