كلمات الشاعر عمر عبد العزيز زهيري
نفس المكان
وبناس جداد
شبه الملامح والوشوش لناس بعاد
مش دول معارفي والصحاب
مش دي دعاء وده ايهاب
مش ده هشام ودي سحر وده عماد
ولا شبه ناس تانيه مالعمر اللي فات
نفس النغم بتعيده من تاني الحياه
لحن وقديم بتكرره علي توزيعات
اوقات يطول فبتعزفه اقصر ساعات
نكبر وتفضل القلوب عايزه تعيش زي اللي راح
وعشان ما احس باني حي
لازم اعيش عمري الاكيد انا شايفه رايح
لكن في قلبي لسه حاسس انه جاي
ونبتدي نتوه ننسحب للي مضي
تطردنا غربه من الخرس للفضفضه
لحظات عجزنا نعيشها في الحاضر نعيشها فذكريات
مالغربه هي قلب عايش في الصبا
ساجناه ملامح فاضحه عدي ايه في عمره.
بالثواني والدقايق والساعات
