سور الكورنيش
كلمات الشاعر عمر عبدالعزيز زهيري
(( إلي أبي))
إسكندرية
وغيمة محتلة سمايا صبح يوم في ثمانينية
ماشي وماسكني في إيده وجنبا السور القديم
ومطر خفيف
تهديد وإنذار إننا في وقت الخريف
ومصيرنا لازم فجأة هنواجه شتا
وموج بيخبط سور أماني
مصمم أنه يكسره
وكلام يجرحني في قلبي ويعصره
عن إنه أقرب من السفر
يغرق لساني في دموعي تلجمه يفضل يقول وأنا باسمعه
ماقدرش أرد إسكندرية
وتفوت سنين من ألف تانية
والسور مكانه بيحكي لسه عن سنينه وعن صموده
قدام زمن عمال بيربط ذكرياتنا
لحظات سعادتنا بوجوده
والشط فاضي إلا من آثار خطي وأجسام بشر
سافروا بحكاوي وذكريات للعمر في الزمن الجميل
لسايا ماليه وداني ألعاب العيال
وندا الأهالي وضحك ناسي الطيبين
وصحاب لنا كانوا هنا
ولسه حاسه جنبي ماشي
بردانه إيدي متبته في طيف حبيب
قررت إني أكلمه
باكمله واكلمه
ما قدر يرد
