أراء

سلسلة مقال “من البدايه حتي المشيب” 1«”اختيار شريك الحياه”»

بقلم الكاتبة هبه السواح
لما تتمني تأسس حياه وعمر جديد مع شريك رائع لازم تتعلم ازاي انت كمان تكون رائع، “شريك الحياه” جمله عميييقه اوي جملة تكاد يتسع الكون بأكمله ليها اختيارك لشريك حياتك بيدل علي فكرك ونظرتك للحياه بشكل عام مش بس متوقف علي المشاعر والعاطفه لان بحكم تقلبات الحياه هيجي وقت وهيكون الحب او المشاعر عاملين زي البيت المسنود علي عمود واحد محتاج كذا عمود عشان يسندوا اكتر والقوة تتضاعف زي عمود الثقه المتبادله عمود التفاهم والتقدير عمود الرحمه والرفق عمود الاعانه علي العباده الأعمده دي لازم تركز انك تدرب نفسك عليها عشان تبقي جزء منك يستحيل انك تستغني عنه، وعشان لما تختار شريك حياتك تبقي فاهم انت عايز تتجوز ليه وهتقدم ايه لجوازك وهتتعامل ازاي مع شريكك، اوعي تختار شريكة حياتك حسب جمالها ومظهرها ويكون ده شغلك الشاغل او انك عايز تتجوز وخلاص ده بالظبط عامل زي الانتحار لانك مع الوقت هتكتشــف سوء اختيارك وانك انت اللي هتتحمل العواقب لوحدك ومش بعيد تضر معاك اهلك بسوء اختيارك ممكن تختار ملكة جمال ومع الوقت تتصدم بقبح تصرفاتها وسوء تربيتها وممكن تكون بسيطه الجمال ومع الوقت تكتشــف انها قطعة من الجنه علي الأرض بأخلاقهاوجمال روحها يطغي علي شكلها، اوعي يكون اختيارك لشريك حياتك مبني علي انه معاه كام وهيصرف قد ايه وانه مقطع السمكه وديلها، يزول المال لو هتعيشي مع شخص يهينك ويقلل منك او انه شخصيه لا تؤتمن وحياتك تبقي مهدده معاه بالانهيار ، لما تفكر تختار شريك حياتك اختيارك في المقام الأول لازم يكون علي الأخلاق والدين يليه التوافق الفكري والميول المشتركه،، اوعي ترمي نفسك في جواز لمجرد الهروب من قيل وقال مليون طظ في الاعتقدات المريضه اللي بتقنعك تتجوز قبل ماقطر الجواز يفوتك اوعي تسمعلهم اوعي تضيع عمرك هدر عشان تهرب من تلميحاتهم بجوازه تضيعك .. استني نصيبك اللي انت بترجوه من الله واللي متحدد معاده بالساعه والثانيه اتمني من الله شريك صالح لان السند اللي في ضهرك لو سند صالح وقوي عمره ماهيوقعك هيرعاك وكأنك حتة من روحه ولو لاقدر الله كان سند هش ضعيف مجرد انك تسند عليه يوقعك وتنكسر.. انت محتاج اللي يسندك وقت مرضك ويقويك وقت خوفك ويحبك بجميع حالاتك،ويكون الستر والغطا ليك
اختار الشريك اللي تتمني تعيش معاه مهما واجهت ومريت لحد ماتشيبوا سوا ويبقي ليك ونس ووطن وحضن وبيت،يدوقك الحلوه ويهضم قبلك المُره
خلي ده عهدك مع نفسك ومع اللي هيقع عليه الإختيار انه يكون شريك حياتك بمساعدة ربك
الشريك الصالح رزق ادعي الرزاق بيه واخلص النيه.
 
للحديث بقيه مع الجزء التاني
 
الكاتبة ..
مدرب العلـاقات الـإنســانيه
 
“هبــــ?ـــــه السواح”

بوابة الشباب نيوز

جاء إطلاق بوابة الشباب نيوز على الانترنت ليكون وسيلة لمعرفة الاخبار اول باول، ويمثل إضافة قوية في الفضاء الالكتروني، وجاءت انطلاقة الموقع من مصر من قلب الاحداث ليهتم بالثورات العربية والمشاكل السياسية ويغطى الفعاليات الاقتصادية والرياضية ويواكب علوم التكنولوجيا ويغطي اخبار المرآة

مقالات ذات صلة

زر الذهاب إلى الأعلى