أدب وشعر

حتت صلصال …. للشاعر عمر عبدالعزيز زهيري

كلمات الشاعر والكاتب عمر عبدالعزيز زهيري
“في الميثولوجي ان الرب قام بقسمة كل قطعة صلصال الي نصفين ثم بذرها في الارض لتدب فيها الحياه رجالا واناثا”
و يغرف حفنه مالصلصال
يقطعها حتت هشه
على دنيا ما تعرفها… ولا بايدها تروحها ولا ما تروحهاش…
هيبعتها كده بايشه
و حته فحته يقسمها الي نصين
فيبقى النص متشرشر
ما يركبشى على النص سوى نصه
و ينفخ فيها تتحرك
بتتحسر و تتألم و تتبسم
و تتطلع عليه بدهشه
حتت صلصال بتتنتور
فى دنيا واسعه ما تعرفها ولا عايزه
و تقضى عمرها تدور
على النص اللى ناقصها
تموووووت تكمل
و بتحاول كذا مره
و بتجرب مع غيرها و ما تلقاه
بدل واحد تشوف ميه
و تتغير و تتخربش
و تتجرح و تتعلم
و اتارى انه… بفرض النص فى الميه
هيجى يوم
تقابل نصها اللى كان تايه منها
تلاقى انه …لا عاد هو
ولا عادت كمان هيه

بوابة الشباب نيوز

جاء إطلاق بوابة الشباب نيوز على الانترنت ليكون وسيلة لمعرفة الاخبار اول باول، ويمثل إضافة قوية في الفضاء الالكتروني، وجاءت انطلاقة الموقع من مصر من قلب الاحداث ليهتم بالثورات العربية والمشاكل السياسية ويغطى الفعاليات الاقتصادية والرياضية ويواكب علوم التكنولوجيا ويغطي اخبار المرآة

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى