أجاب الرئيس عبد الفتاح السيسى، خلال مؤتمر صحفى مع المستشار النمساوى كريستيان كيرن، على صحفية طلبت منه تعليقا على تصريحات الرئيس السودانى الأخيرة المتعلقة بمصر.
وقال الرئيس: “سياسات مصر ثابتة مش هتتغير، اللى هى عدم التدخل فى شؤون الآخرين، مصر لا تتآمر، لما أكون موجود فى مؤتمر القمة العربية الإسلامية الأمريكية وأقول على استراتيجية واحدة لمكافحة الإرهاب، وبعدها بيوم حد يوجه اتهام لمصر زى ده، لا مصر متعملش الكلام ده ومش هتعمله، مصر تتعاون فقط، لا نقوم بهذه الإجراءات الخسيسة ضد أى حد وخاصة أهلنا وجيراننا”.
وتابع: ” بقى أنا أعمل تآمر وأخلى عناصر تقوم بمهاجمة أشقائنا فى السودان، أرجو الكلام ده يتسمع مش بس فى مصر، سياسة مصر شريفة فى زمن عز فيه الشرف، إحنا دولة رشيدة محترمة تحترم نفسها والآخرين والتزاماتها، ولها وجه واحد، وعمرها ما تكون أبدا ديل لحد، لو فى مشكلة بينا نحلها بالحوار، لكن أعمل مؤامرة؟ الكلام ده مبنعملوش وطول ما أنا موجود فى مكانى مش هيتعمل”.
وأردف قائلا: “مصر قدمت دعم للهجوم على السودان؟ لا إحنا منعملش الكلام ده ومش هنعمله”.
وختم قائلا: “نحن لن نتغير عن سياستنا مهما كانت التحديات، وواقفين على أرض صلبة بصلابة المصريين نقدر نواجه الدنيا كلها”.
