أدب وشعر

كرسي فاضي ….كلمات الشاعر والكاتب عمرعبدالعزيز زهيري

كرسي فاضي
كلمات الشاعر والكاتب عمرعبدالعزيز زهيري
نفس البشر
نفس المكان
نفس الموسيقي والإضاءة والكراسي والحيطان
وكرسي فاضي …دنيا فيه حاجزاهولك
 
دنيا جميلة إنتي كنتي ولسه عايشك في الخيال
رغم البعاد
رغم القساوة والتحدي والعناد
بأبص للكرسي أحسه بيفتكر أيام زمان
رافض يصدق إن كل الحب اللي شافه بينا .. عليكي هان
 
حالف بإنه يبقي فاضي وعمر ما إيدين للأبد بعدك في يوم
تمسك إيديه
 
بعد أما جرب يعني إيه
بعد أما شاف بنور عينيه
حسيته واحشه يلمسك تيجي في حضنه
تحكيله من تاني في ودنه
إزاي قلوب إتعرفت قبل اللقا
ولماإتقابلوا …
 
يقوموا يكملوا كل الكلام اللي إبتدا قبل الميلاد
 
وكأنهم عاشوا سوا عشرة طويلة حنينة قبل الزمان
وكل اللي عدي عليهم قبل ما يلتقوا فترة خصام
واحس إن الكرسي هام
جواه حنين للحظة الحلم اللي كان
وفي دوشة الصالة بيصرخ قلبي فيه
 
ينفع رضيع من بعد توهه يترمي علي صدر أمه
 
غمض عينيه وهو مستني تضمه
ترميه بعيد
بالرغم من كونه ضنا ولساه وليد
وتطالبه يرضي بالفطام
وترغرغ الدنيا في بصه لكرسي فاضي
 
في الزحام
نفسه يقوللي كثير كلام
لكنه يسكت لما حس بإني غرقان في الألم
وسرحت منه في الوشوش
 
وهربت تاني لدنيا أنا اللي خلقتها وأنا باحسده
 
علي كونه حايش الدمع اللي مقدرتش أحوش

بوابة الشباب نيوز

جاء إطلاق بوابة الشباب نيوز على الانترنت ليكون وسيلة لمعرفة الاخبار اول باول، ويمثل إضافة قوية في الفضاء الالكتروني، وجاءت انطلاقة الموقع من مصر من قلب الاحداث ليهتم بالثورات العربية والمشاكل السياسية ويغطى الفعاليات الاقتصادية والرياضية ويواكب علوم التكنولوجيا ويغطي اخبار المرآة

مقالات ذات صلة

زر الذهاب إلى الأعلى