أدب وشعر

صورة دوريان جراي …. كلمات الشاعر عمر عبدالعزيز زهيري

صورة دوريان جراي

إحنا بقينا قد إيه
ولا بقينا شكل مين
وملامحي اهيه معلمة فيها الدقايق والثواني

والساعات ويا السنين
شايف بواقي طفل صاحبته زمان
ورتوش براءة تايهه منه

بيجري عالدنيا تضمه
لكن عيونه مدمعه ضاع البريق
وصوته مليان بالأنين

ده وشي ولا وش أبويا
كلمات الشاعر عمر عبدالعزيز زهيري
وإن كنت أنا طب ليه حزين؟!

بعد أما كنت مصاحب الدنيا ومستني إني أكبر
ليه أما باكبر أتسجنت في توب عنين

كنت مستني إني أطول ..وإيديه تلمس السحاب

وكبرت .. أتاري الحلم اللي يوم حلمته
ما كانش واضح إيه محاوطه
ولقيت إيديه مهما طولت
مش راح تفتح أي باب

ينفع أبادل اللي جاي
بساعة من عمري اللي فات؟؟
بملامحي اللي كت زمان ؟؟
ببراءة الزمن اللي كان ؟؟
ينفع ألاقي منه لمحه

طيبة حياته المسامحه

حاسس بأنه مني ضاع
ومن سكات
يا هلتري راح أعيشه تاني

ولاهو و زمنه مات ؟؟!!

بوابة الشباب نيوز

جاء إطلاق بوابة الشباب نيوز على الانترنت ليكون وسيلة لمعرفة الاخبار اول باول، ويمثل إضافة قوية في الفضاء الالكتروني، وجاءت انطلاقة الموقع من مصر من قلب الاحداث ليهتم بالثورات العربية والمشاكل السياسية ويغطى الفعاليات الاقتصادية والرياضية ويواكب علوم التكنولوجيا ويغطي اخبار المرآة

مقالات ذات صلة

زر الذهاب إلى الأعلى