أدب وشعر

«شهادة وفاة».. زيادة أعداد المنتحرين في مصر..للشاعر عمر عبدالعزيز

«شهادة وفاة»
زيادة أعداد المنتحرين في مصر
أخيراً رضيتي ..؟
يعيش عمره كله بيتمني ترضي
ويحلم بإنك تكوني مراية
يشوف فيها صورة حقيقية مشاعره
يشوف فيكي نفسه اللي مسجونة جوة ملامحه ال
يشوف فيكي غلبه وطيبته وقناعته
ويحمد ويشكر ولو ع الحصيرة
وينسي الحكاية اللي تاهت سنين
وتضحك شفايفه ويهتف بأسمك وجواه أنين
ويحلم بأنه يشوف فيكي أمه
بحضنك حقيقي يحاوطه يضمه
ونس ليه وصحبة … يعودلك جنين
عيوبه جيوبه !! … وعايش يا دوبه
بنفسه اللي طالع ما يضمن يعود
وحبه اللي راجع ..
صداه جوا قلبه يزيد المواجع
وحسرة تصاحبه لحد الممات
عشان حس أنه محمل عليكي
يجوز حبك أكتر
وفيه حد غيره
بتقبيله ضحكة بلون النهار
وعابسة في وشه
كأنه سبب في سواد الإنهيار
أخيراً رضيتي ؟؟
 
أخيراً رضيتي وسبتيه أخيراً يحس بكرامه
مايفضلش خايف..
يشيل هم فوق الهوان اللي عايشه
عذاب تاني جايله في يوم القيامة
أخيراً رضيتي؟؟ وحنيتي لحظة؟؟
يعيش عمره كله بيحلم بزفة
ويوم أما تيجي بيتزف ليكي؟؟
ومنك إليكي ؟ وياخد ده كله !! وياخده بلاش!!
وبيلاقي في عينيكي كل أهتمام !!
لبس بدله بيضا بتكسي ملامحه
اللي عاش عمره كله بيتداري منها
وكل اللي عاشره بيمدح ويشهد بإنه تمام
ما هم صادروا حقه
ودلوقتي فرصة حيخدم ثواب
ويوصل لبيته
وقبل أما يدخل ياخد عقد رسمي ومختوم بالأحمر
أخيراً رضيتي؟؟
بحقه إنه يرحل وحقه أنه يفضل
وحقه أنه يسكن ولو ع المشاع
وحقه في لجوءه لأصل الحياه
اخيراً رضيتي ؟؟
أخيراً ختمتي شهادة الوفاة؟؟

بوابة الشباب نيوز

جاء إطلاق بوابة الشباب نيوز على الانترنت ليكون وسيلة لمعرفة الاخبار اول باول، ويمثل إضافة قوية في الفضاء الالكتروني، وجاءت انطلاقة الموقع من مصر من قلب الاحداث ليهتم بالثورات العربية والمشاكل السياسية ويغطى الفعاليات الاقتصادية والرياضية ويواكب علوم التكنولوجيا ويغطي اخبار المرآة

مقالات ذات صلة

زر الذهاب إلى الأعلى