شجرة التوت
كلمات الشاعر عمر عبدالعزيز زهيري
انا قلبي شجرة توت
ضله وقمر وبيوت
بيجمع العصافير
حواليه تلف تطير
و يساع بشر غلبان
بسمه في عين محروم
تخلي حزنه يفوت
قلبي وحيد واقف
شامخ في عز الحر
راضي و بيسامح
يعذر وبيقاوح
ويبرر القسوه
حتي ولو ينضر
رافض تكون العين
يبقي قصادها عين
او حتي سن بسن
دينه و دنياه حب
والرحمه هي العدل
ضمير حكيم بيئن
الدنيا هي الناس
فراشات ومزيكا
لمه وهيصه وكاس
في البحر والصحرا
في الشده والوفره
قلبي مطر احساس
بيشوف ف كل الخلق
فتافيت نمانم فل
نفس البشر.. تراتيل
مافيهاش حسد او غل
انا قلبي شجرة توت
ساعات بتحمي الشمس
يصحي سؤال ويموت
لامتي راح تفضل
ضله ومالهاش ضل.
