بقلم الفنانه الشابه ريهام لاشين
لما تقابل التضحيه و حب الخير بالحسد
انا واحده بحب الخير كله للناس و بحاول اساعد كل الناس لو فى مقدرتى و دايما سايبه نيه الناس لربنا و مبفكرش مين بيحبنى بجد او بيكرهنى بعمل الى بقدر عليه و ضميرى راضى عنه
بعترف أن ناس ساعدتنى كتير ووقفت جمبى و انا كمان وقفت جمب ناس و حبيت الخير لناس كتيره
بس ابشع احساس انك توقف جمب حد و تحاول انك تكبره او تخليه حاجه كبيره و يكون هو من جواه غيره و حسد و بيننا زوال النعمه منك عشان متكنش احسن منه
لما تكتشف اد ايه انك عبيط او ساذج لما تحب الخير لكل الناس الى حواليك
و فيه منهم بيكره الخير ليك لدرجه انه مبحبش يشوف ضحكتك
و لو انت تعبان أو مريض تلاقى الى يفرح فيك و لو عندك اى حاجه خير ليك او لاهل بيتك تلاقى نار والعه
نفسى اعرف هما دول بنى ادمين زينا
و افتكرت الايه الكريمه قوله تعالى فِي قُلُوبِهِم مَّرَضٌ فَزَادَهُمُ اللَّهُ مَرَضًا ۖ وَلَهُمْ عَذَابٌ أَلِيمٌ بِمَا كَانُوا يَكْذِبُونَ (10)
بس انا برده مش هتغير هفضل الانسانه الى بتحب الخير لكل الناس بغض النظر عن صدمتى فبعض الناس الى بتتمنالى كل شئ وحش
