كان حلم صغير ابتديناه بخطوات صغيره، ابتدا المشوار خطوة ورا خطوة، مشروعات وفعاليات ثقافية نفعت ناس كتير، مبادرات كتب بالمجان علشان الناس تقرا والعقول تنور، وكان التاج على راس حلقة وصل قوافل الخير للصعيد، القوافل اللى جابت الخير والبركة واللى حولت حلقة وصل من مبادرة لمؤسسة
الحمد والشكر لله، تم إشهار مؤسسة حلقة وصل بتاريخ 21 / 6 اللى فات
الكيان اللى إنتوا دعمتوه لحد ما نجح بقى كيان مؤسسى وهيواصل شغله فى مساعدة الناس
المبادرة اللى بدأت بقطرة من علم وثقافة نورت الطريق لعقول كتير
بس احنا شايفين إن بدايتنا الحقيقة ومصدر الخير والبركة بدأ من قوافل الخير اللى بدأناها السنه اللى فاتت فى الصعيد، قوافل ساعدت ناس كتير ورسمت البهجة على وشوش ناس أكتر شىء محتاجينه فى ظروفهم هو الإبتسام والأمل.
صنعنا أمل وبهجة مش بس فى إطار قوافل الخير، لأ كمان فى إطار مؤتمراتنا الدورية اللى كرمت ناس كتير وألقت عليهم دائرة الضوء من خلال الإعلام وصنعت حلقة وصل بين دوائر مختلفة من المجتمع وأسعدت كتير من الناس.
وعلشان كيان حلقة وصل يواصل عمله والخير يبقى خيرين وعشره وألف إنتم برضه اللى هتكونوا السبب فى ده، إنتم وأصحابكم وقرايبكم وكل دواير معارفكم اللى ماشيين فى طريق الخير.
طب إزاى وممكن تعملوا معانا إيه وإحنا كمؤسسة هنعمل إيه وهنساعد مين وإيه مشروعاتنا؟
أولا: هتدعموا قوافل الخير للصعيد اللى بتطلع بشكل دورى للصعيد وبتقدم الطعام والعلاج والدعم لأسر فقيرة محدش بيقدر يوصلها
ثانيا: هتدعموا مبادرات الكتب بالمجان وأهمها واللى احنا شغالين عليه كتاب “عبقرية محمد” وعايزين نطبعه ونوزعه قبل العيد
طب إنتوا ممكن تساعدوا ازاى؟
أولا: من خلال تبرع مادى يوجه للمشروع اللى حابين تساعدوا فيه
ثانيا: من خلال عضوية سنوية فى مؤسسة حلقة وصل فى أى من لجانها التلاته ( لجنة المؤتمرات أو لجنة القوافل أو لجنة الثقافة)
عضوية سنوية تدفع مرة واحدة بإيصال رسمى مختوم من المؤسسة ده تبرع لدعم مشروعات المؤسسة ليس أكثر ولا يوجد كارنية لك ، الفكرة كلها انك حابب تدعم الشغل الموجود فى لجنة من اللجان دول وأنواع العضوية، فضية بـ 500 جنية ،، ذهبية بـ 1000 الى ما لا نهاية حسب رغبتك
ــ يمكن إرسال مبلغ التبرع على رقم فوادفون كاش 01068276647
مع إرسال الاسم ثلاثى لنا ونوعية العضوية لعمل الايصال وتسليمه لك باليد فى حفل الاطلاق ان شاء الله يوم الاربعاء 23 / 8 بمسرح مكتبة مصر الجديدة
وياريت ترسل التفاصيل فى الخاص للمقربين منك لإن الدال على الخير كفاعله
خلينا نكمل الحلم والمشوار ونوسع دايرة مساعدة اللى محتاجين مساعدة
