وقال عمر كمال، خلال البث المباشر ردا على حمو بيكا : “أنا تحمّلت كتير جدًا إهانات من بعض الناس، لكن أنا ممكن أطلع أقولك يا “أبوكرش” مثلا، ولكن كل دى إهانات أنا ماليش فيها.. أنا أول أغنية أتربح من خلالها كانت من خلال أغنية “انتى معلمة” وكل الأغانى اللى قبل كده كنت بديها لـ حمو بيكا، عشان يرفعها من خلال قناته ويكسب منها بما فيهم أغانى كانت من إنتاجى أنا، والله مكنتش باخد فلوسهم لأنى بكسب من زمان وسيبتك تاكل عيش”.
خلاف عمر كمال وحمو بيكا
أضاف عمر كمال : “الشخص اللى بيتكلم عليا ده أول ما بينزل من إسكندرية بييجى على شقتى وواكلين عيش وملح مع بعض .. اللى حصل إن وأنا قاعد عند الحلاق بتاعى ومعايا حمو فوجئت إنه جايب شخص بتاع فساتين وعايزنا نعمله إعلان من غير ما ياخد إذنى، وأنا اتحرجت أرفض قدام الراجل، بس أنا مش عايز أعمل مهرجان لفستان فرح، أنا عايز اعمل فن كويس زى “بنت الجيران وعود البطل” وكل مهرجاناتى، وحتى بعد الاتفاق مدفعش ليا عربون ولا سألنى تاخد كام، على عكس ما بعمل معاه فى أى فرح حد بيطلبه فيه”.
واختتم عمر كمال حديثه : “عيب تقول عليا إنى صحبة مزيفة، أنا عمرى ما كسبت من وراك، أنا سيبتلك 12 تراك كلت من وراهم الشهد، حتى العربية بتاعتك أنا اتوسطت أنا، ومدير أعمالى عند المعرض عشان يقسطهالك، وضمنتك فى مليون و850 ألف جنيه، ولو كنت لوحدك مكنش حد هيديك عربية”.
