لا تزال دالى حسن تصر على الغناء رغم انتقاد الجمهور لها عقب أغنيتها الأخيرة “ركبنى المرجيحة”، حيث تظهر من جديد فى أغنية جديدة بعنوان “كوكو واوا” مع مطرب صاعد يدعى شريف الغيطانى.
كانت دالى حسن بطلة كليب “ركبنى المرجيحة” كشفت من قبل، وقالت: “أنا كنت صايمة وأنا بصور الكليب، لأننا كنا بنصوره فى رمضان، والكليب ده أساسًا جزء من فيلم كوميدى اسمه “بالوظة” وجبنا المصور من الشارع يصور لنا الكليب”، وقررنا بعد النجاح اللى حققه إننا نغير اسم الفيلم من بالوظة إلى “ركبنى المرجيحة”.
وتابعت: “أنا شايفة نفسى بعد 5 سنين هاكون فنانة مشهورة، لأن صوتى رقيق والجمهور بيطلب منى أعمل مهرجانات وكليبات أطفال، وناس كتير بتقولى استمرى فى نجاحك وملكيش دعوة بتعليقات أى حد، وأنا شايفة صوتى حلو وبالذات فى كليبات الأطفال، وفرضت نفسى على الساحة الفنية.
