أعربت نجمة “مسرح مصر” إسراء عبدالفتاح عن فرحتها الشديدة بعد عقد قرانها على الممثل حمدى الميرغنى.
ونفت إسراء ما تردد حول إجبارها على الزواج من حمدى الميرغنى.
وكتبت إسراء عبر حسابها بموقع “فيسبوك”: “أهم ورقة مضيتها فى حياتى، عمرى ما حبيت غيرك، أحلى وأهم يوم فى حياتى يوم ما بقيت مراتك، أهم وأحلى وأغلى لقب فى حياتى، مدام حمدى الميرغنى”.
وتابعت إسراء: “لكل الناس اللى بتقول إنى كنت متضايقة ومكنتش مبسوطة، أقسم بالله أنا عمرى ماكنت مبسوطة ولا فرحانة ولا بضحك من قلبى غير فى يوم كتب كتابى، لكل الناس اللى أنا مش فاهمة هما متضايقين ليه، ربنا يرزقكوا بحد يعملكوا أضعاف اللى اتعملى ويفرحكوا أضعاف فرحتى، والناس اللى بتقول إنى كنت مجبرة على الجواز، ده الراجل اللى اخترته بكامل إرادتى اللى قلبى وعينى مبيشوفوش حد غيره،
ربنا يخليك ليا يا حمدى ويبعد عننا الناس اللى مش فرحانة بفرحتنا”.
يذكر أن حمدى الميرغنى، فاجأ الجمهور بعقد قرانه على إسراء عبدالفتاح يوم الإثنين الماضى، كما احتفل بخطبتهما يوم الأحد أمس.
وحضر عقد القران مجموعة كبيرة من المشاهير إضافة إلى نجوم “مسرح مصر”، والفنان أشرف عبدالباقى.
