تعرضت الفنانة الشابة ياسمين غيث لوعكة صحية دخلت على أثرها المستشفى، أمس الخميس، عقب علمها بخبر وفاة الفنان الشاب هيثم أحمد زكى.
وشاركت الفنانة ياسمين غيث جمهورها بنشر صورة لها أثناء تواجدها فى المستشفى عبر صفحتها الشخصية بموقع تبادل الصور والفيديوهات “إنستجرام”، وعلقت بقولها: “أنا كويسة الحمد لله.. بس الحقيقة أنا النهاردة الصبح كنت حرفيا بموت، صحيت على خبر وفاة هيثم أحمد زكى اللى أثر فيا ووجعلى قلبى قوى من غير ما أعرفه زى غالبا مصر كلها.. وأجبرت نفسى على النوم تانى علشان مفكرش، وكانت دى النتيجة”.
وتابعت: “الحمد لله جت بسيطة وربنا ستر عليا.. بس بجد الإحساس كان مميت، بدأت أتخيل الغلبان ده “هيثم” اللى ممكن يكون حصل له حاجة شبه كده بس كان لوحده ملقاش اللى ينقذه ويوديه المستشفى وبدأت أفكر إن تانى ربنا بيحاول يوعظنا كلنا بحد محبوب من كل الناس، الوحدة وحشة قوى يا جماعة، كفاية نحكم على بعض من بعيد لبعيد، كفاية بعد وجفاء.. ربنا يرحمك يا هيثم ويرحمنا جميعًا”.
كان الفنان الشاب هيثم احمد زكى قد توفى فى الساعات الأولى من صباح أمس الخميس بعد تعرضه لهبوط حاد فى الدورة الدموية عن عمر يناهز 35 عامًا.
