قال أيمن عبد المنعم، زوج الصحفية الراحلة رحاب بدر، أن ما تردد حول انتحارها غير صحيح بالمرة، مشيرا إلى وجود شبهة جنائية.
وأضاف، من خلال حسابه الشخصي على “فيسبوك”: “خبر انتحارها غير صحيح بالمرة، وجار مقاضاة كل من أصدر الشائعات.. رحاب عمرها ما أخذت علاجات للاكتئاب، ومفيش عندنا ولا مراوح ولا جنشات بالسقف الموضوع جنائي حرامي دخل يسرق وأنا مسافر، وقريب هرد على كل كلب كتب كلام لا يمت للحقيقة بصلة”.
وتابع: “اللي بينتحر ميشتريش أكل وشوكولاتة وبيبسي، وتكلمني تهزر معايا، وتتفق معايا أنها هتاكل وتطلبني نتكلم لحد ما تنام لأني مكنتش بالقاهرة، وتسيب الأكل ومتفتحهوش أصلا… رحاب كانت رجلها على الأرض واقفة مش متعلقة، ومش في جنش، ولا مروحة ولا غيره.. رحاب كانت بتتمنى تسافر تعمل عمره، وده كان هيتم قريب.. وفوق كل ده ابنها كان أهم شيء في حياتها.. وتفاصيل كتير أووي هحكيها في وقتها، وهيتم مقاضاة كل من قرر يألف ويكتب أي كلام ليعمل سبق”.
وأضاف: “ودي آخر صورة لينا مع بعض قبل الوفاة بيوم والعاقل يقول هل دي واحده هتسيبني وتروح تنتحر؟”.
