بقلم اعلامية – نجلاء كمون
اننى مصرية أعشق تراب بلدى وفخورة برئيسى المصرى الاصيل اللى حافظ على بلدى ورفع راسنا لفوق السما امام العالم وانتصر على الأعداء .
و عمل صندوق تحيا مصر وطور منه العشوئيات وجدد حى الاسمرات وغيط العنب،اتعملت مصانع ولسة بنعمر حفرنا قناة السويس الثانية ،مشروعات وانجازات رسمت مستقبل جديد لمصر واحنا كلنا وراك حلمنا معاك وبنحلم ببكرة اللى جاى بالخير لينا ولاولادنا
فرحنا بقرارات الرئيس الجديدة من زيادة المعاشات بنسبة15% والعلاوات الخاصة وعلاوة الغلاء التى انضمت للموظفين وزيادة دعم التموين من 21 جنيه الى 50 جنيه الناس فرحت جدا وقالت الخير جاى لكن صحيوا صباح الخميس 29يونيه وقبل الاحتفال بعيد الثورة الرابع على خبر زيادة اسعار الوقود .
وبالتالى سوف تزيد بالتبعية كل الاسعار وهذا القرار سيؤثر على المواطن المصرى البسيط الذى مرتبه لايكفيه هو واولاده لانه بيركب مواصلات وولاده فى مدارس حكوميه هو اللى حيدفع ثمن فاتورة زيادة الاسعار.
يجب ان تعمل الحكومة على مراقبة الاسواق والمواصلات حتى لا تأكل الناس فى بعضها ويطبق كل واحد زيادة الاسعار بمزاجه ويمد ايده فى جيب غيره علشان يعوض الزيادة جميع أبناء الشعب المصرى على علم بمعاناة الدولة وعلى استعداد للوقوف معاها وياما الشعب المصرى استحمل ولكن مع الرحمة و الرافة والرقابة
