وقال زكى: “تم منعهما من مزاولة المهنة وهنجيب كل الكاميرات وهنحقق فى الموضوع ده”، وذلك خلال مداخلة هاتفية مع الإعلامى عمرو أديب عبر برنامجه الحكاية المذاع على قناة إم بى سى مصر.
وكانت رحاب الجمل هاجمت عبر حسابها الرسمى على “فيس بوك”، أحد الفنانين، وذلك بعد دخوله “لوكيشن” التصوير لفيلم تشارك فيه، وهو سكران، مشيرة إلى أنها ستتقدم ببلاغ ضده بسبب تعديه بالقول عليهم.
وكتبت رحاب الجمل: “الممثل السكران.. لما تبقى سكران وتدخل فرح وتضرب زميل نجم بالكوع ويسامحك لأنه مستغلبك ومستضعفك.. أنت بقى تعتبر أن ده حق مكتسب، بعدها بحوالى شهرين تدخل حفلة وتشتم وتهين مغنى شاب، ويكبر للناس اللى تدخلت فى الموضوع ويسامحك بردو تعتبره حق مكتسب، لكن تدخل بالأمس بروفة فيلم وأنت سكران وعايز كمان تلف حشيش ولما نعترض، تشتم وتهين زمايلك وتغلط وتتلفظ بأقذر وأسفل الشتائم قدام الأغراب فى مكان عام ويخرجوك من المكان بالأمن والجاردات وفضايح”.
واختتمت قائلة: “ديه ما تتسامحش عليها لازم تتعاقب وبالقانون لان ده قلة ادب وقلة مهنية والمرادى البلاغ للنائب العام علشان ارفع الحرج عن اى زميل او زميلة فى طلب المشاركة فى البلاغ او الشهادة يكفى تفريغ الكاميرات”.
