انتقد جمهور المطرب حكيم فيديو كليب أغنيته الجديدة “على وضعك”، الذي أطلقه مساء أمس السبت في مؤتمر صحفي أقيم في فندق “فورسيزون”.
الكليب الذى صوره حكيم في مدريد بإسبانيا، واستعان خلال تصويره بمخرج هولندي، وفرقة استعراضية أجنبية مكونة من 20 فتاة، لم يلق إعجاب الجمهور حيث اعتبر البعض أنه لا يتناسب مع حكيم كمطرب شعبي له تاريخ .
وجاءت التعليقات على الفيديو الذب طرحه حكيم عبر قناته الرسمية على موقع “يوتيوب”، في أغلبها انتقادات لاذعة، إذ علق أحدهم: “مش انت يا حكيم اللي تصور كليب زي ده جرالك ايه اللي يعمل كده بيكون صوته وحش وعايز يغطي عليه بالتصوير لكن انت ما شاء الله من أجمل وأقوى الأصوات”.
وعلق آخر: “ليه كده بس يا حكيم.. ده انت معملتش كده في أول مشوارك عشان الانتشار تقوم تعملها دلوقتي؟؟.. بنحبك وبنحترم فنك من أيام أغانيك بتوزيع حميد ولحد دلوقتي بسمع ألبوم نظرة.. ليه تقل نفسك لو بتقرا كلامي ده أرجوك حط كلام جمهورك في الاعتبار وبلاش موضوع البنات والعري في كليباتك انت أصلا مش محتاجه .. طب بذمتك لو عيلة في البيت هيشوفوا الكليب ده إزاي ؟؟ .. راجع نفسك يا حكيم”.
بينما عاتبه البعض معتبرين أن هذا الكليب لم يتوقعه الجمهور من حكيم، مرددين “ده مش اللي الناس مستنياه من حكيم”.
