كتب المستشار فريد جورج نقولا ماحدث لابنه منذ 6 سنوات عبر صفحته على موقع التواصل الاجتماعى فيس بوك قائلا:من ست سنين كنّا في فندق في شرم الشيخ مارتن ابني نزل حمام السباحه من غير مناخد بالنا غرق الولد الصغير وكان عنده اربع سنين امه اتمرمغت في الارض وانا كنت بصرخ وأقول. لاء يارب الناس اللي في الفندق كله كان بيصرخ صوتي راح ومريم انهارت أصحابنا وقعوا علي الارض خرج الولد من الميه ازرق وقاطع النفسجري دكتور المستشفي وبعد محاولات خلاص مفيش امل
دكتور اجنبي تاني بعد الناس وفضل حاطط وشي في وشه وفضل يتكلم بالانجلش اللي معناه دي اراده ربنا
جري دكتور تاني من اخر البسين وقال ان المحاولات اللي بتتعمل غلط ولازم الطفل يبقي علي الارض اثناء تنشيط القلب لان الشازلونج بيرد الضربه تاني الدكتور ده ما ماعرفش اليأس فضل يضرب صدر مارتن وكان بيقول هنكسر القفص الصدري الدكتور ده مافقدش الأمل كل الناس بقيت تصرخ للعدرا وبعد تقريبا سبع دقايق مروا علينا كانهم دهر ابتدي مارتن يتنفس ودخل مارتن الرعايه يومين وخرج سليم مافهوش اَي أصابهعلي الرغم من ان الدكتور اللي كان في المستشفي قال ان هيبقي فيه في الولد عاهه نتيجه عدم وصول الأكسجين للمخ
خرج مارتن من المستشفي
الحمد لله ومن ساعه ما خرج مارتن وانا ومريم كنّا بندور علي الدكتور اللي ربنا بعته وعاش مارتن علي ايده المعجزة نزلت في كتاب معجزات البابا شنوده مواقع التواصل الاجتماعي نقلت المعجزة وكلمونا وبدء الخبر ينتشر بعد ما خرج مارتن من المستشفي روحنا الفندق وطلبنا مارت ن يتصور مع الدكتور اللي كان السبب في انه يعيش وهي الصوره دي اللي بدءنا نسال بيها علي الدكتور لأننا شعرنا انه ماخدش حقه من الشكرولا اتكلمنا معاه لأننا كنّا مشغولين بالولدانهارده والنهارده بس دخلت مريم موقع اسمه ليديز كافيه ونشرت صوره الدكتور اللي مارتن عاش علي أيديه علشان لو حد يعرفه يوصلنا بيه
اتكلمت مع مريم مدام فيبي وقالتلها ده دكتورميراج رمسيس
انا اعرفه كويس وبعتت رقم تليفونه وهو دلوقتي من ضمن أصحابي علي الفيس بوك وانا من هنا بشكره وببوس ايده اللي كانت سبب في ابني كان ميت فعاش انا هنزل صورته علشان الناس تعرفه واد ايه انه كان لازم ياخد حقه
