أحببت الرسم منذ طفولتى ولم أنتبه لموهبتى بالرسم إلا قبل عام واحد فأخذت أطور من نفسى دون معلم واعتمدت فقط على فيديوهات تعليم الرسم، هكذا قالت الفنانه الشابة ولاء محمود لبيب وقالت أتمنى أن أنشئ معرضا لعرض لوحاتى والكل يرى رسوماتى.
وصرحت لنا ولاء قائلة بحلم ابقي حد مشهور وفنه واسلوبه يتعرف مش مجرد بقلد حد لا يبقي ليا طريقه معينه وهدف الكل يقلدني فيه ومثلى الاعلى جدى ووالدى
اتعلمت الرسم من سنه تقريبا رسم البورتريه وبرسم من زمان يعني من اعدادي او ابتدائي كدا كنت برسم فى مسابقات ع الحيطان ايام المدرسه
بدات اطور شغلي ورسمي لعمل اوردرات رسم ع الهدوم والبورتريهات والمجات والازاز وكل حاجه ينفع يترسم عليها ببقي مبسوطه اوي وانا برسم ،بحاول اعمل مشروع لنفسي ويكبر،بدأت اطلب لرسم ف مكاتب و عمل ديكور لمحلات
ماما داايما بتشجعني وبتعملي اي حاجه وتعطينى حافز لدا
زمان كانو بيفضلوا يضيقوني بكلمه الرسم مش بياكل عيش اعملي حاجه تنفعك حاجه مفيده مش هتوصلي لحاجه كلام كتير من الناس الي حواليا. بس انا مبسوطه بالي وصلت له دلوقتي الحمدالله فخوره بنفسي ،معنديش حد اقلدو بنظر لنفسي زمان ودلوقتي وبحاول اجدد من نفسي واتعلم الجديد ،نفسي افضل بسيطه فكل حاجه مبقاش اوفر اوي يعني
كل الي بيشوف شغلي كان بيبتسم كنت بشوف ع وشهم الفرحه والانبساط بشغلي وبيدعولي انجح اكتر فالمجال دا
ناس كتير كانو بيشجعوني وبيدعموني بطرق مختلفه كتير اوي مبسوطين مني ومن شغلي ،وانا لسه موصلتش للي نفسي احققه بس اكيد ف يوم هوصل باذن الله
