أكرم حسنى يكشف تفاصيل خلافه مع حمو بيكا: سرقنى وهقاضيه
![](https://elshababnews.com/wp-content/uploads/2022/01/أكرم-حسنى.jpg)
كشف الفنان أكرم حسنى أنه يحلم بأن يقدم أدوارا غير كوميدية وتابع :” ألعب دور جد من أول الدور لآخره، وشخصية يكون لها بعد إنسانى، وأفلام برا الكوميديا وده حلم عندى وإن شاء الله هعمله “.
وتابع حسنى، خلال تصريحات تليفزيونية قائلا إن أول أعماله الفنية هو مسلسل “ريح المدام” الذى قدمه عام 2017 أما برنامج سيد أبوحفيظة وغيره لا يتعبر من الأعمال الفنية “.
أضاف: “أنا لسه ببدأ وبقول يا هادى وعندى أحلام كتير فى الشغل وبدعى إن الخطوات اللى أخدتها بنسبة كبيرة مرضية ليا يعنى مفيش حاجة كنت داخلها ومحضر لها وبازل فيها مجهود وربنا أدانى أقل من المتوقع ودايما ربنا يدينى أكتر مما أتوقع والحاجات المختلف عليها أنا مبسمهاش فشل بقول إنى جربت ومتوفقتش “.
تابع: “اتعلمت فأنا مفشلتش أنا نجحت إنى أتعلم من غلطى، وعدم التحضير الكافى لمسلسل رجالة البيت كان خطأ ولن يتكرر”.
وكشف أكرم حسنى تفاصيل خلافه مع مؤدى المهرجانات حمو بيكا وأنه رفع دعوة قضائية على حمو بيكا لسرقة أغنية ” بالباقى لبان”، وتواصل مع الفنان هانى شاكر نقيب المهن الموسيقية لإثبات الحالة وأنه ترك الموضوع للقضاء .
وأوضح أنه ليس ضد حمو بيكا وأضاف :” أنا مش ضد حمو بيكا ومش ضد أى حد من مطربى المهرجانات طول ما هو بيقدم نوعية فن ممكن يبقى مختلف عننا بس ملتزم بآداب المهنة إنى مقولش لفظ خارج لأن ابنى وبنتى هيسمعوه”.