بقلم القراء

دعاء مصطفى …. تكتب الدعم النفسي لمريض السرطان2

بقلم دعاء مصطفى كامل

اما بتبدأ تعرف انك جالك سرطان وبتبدأ تفوق من الصدمه وانك خلاص اتحطيت في طريق مفيش مفر منه. بتبدأ تفكر كويس في السرطان وتحاول تعرف معلومات عنه وتفاصيل؟ اكتر وكمان بتحاول تتعلم من تجارب الناس اللي حواليك في محاربه المرض وخصوصا لو حالتك شبه حالته وتقريبا علاجكم واحد.

شويه وبيكون عندك معلومات ولو مش كتير عن كيفيه تحدي المرض وايه هي الخطوات الاساسيه اللي تقريبا الناس كلها بتمر بيها من علاج كيماوي واجراء العمليه اللي بيصتأصلوا فيها الورم وبعدها العلاج الاشعاعي اللي تقريبا بيكون اخر مراحل العلاج لقتل اخر ما تبقى من الخلايا السرطانيه والتاكد من عدم وجود خلايا لسه عايشه في مكان الورم. وفي طريقك لكل ده ومحاربتك للمرض نسينا اهم حاجه اللي من غيرها تقريبا ممكن في رحلتنا للعلاج ما يعملش النتيجه اللي مستنيينها في رحله علاجنا وهو ( العلاج النفسي او الدعم النفسي لمريض السرطان). اللي مفتقدينه ومحتاجينه فعلا .

فيه محاربين كتير بيفضلوا ساكتين وبيلجأوا للسكوت وعدم الكلام وده كنوع من انواع الاحباط او الاستسلام …..وفيه محاربين كتير بيتكلمواعن رحلتهم في العلاج ويبدأ وهو بتحكي تضحك كنوع من انواع الانتصار وناس هي بتضحك تفتكر موقف حصلها في رحلتها وتلاقي في نص الضحكه دموع بتنزل من احساس بالم او عدم وجود حد يساندهم في رحلتهم وهما بيحاربوا السرطان وشويه تانيه تبكي بحرقه انها تعبت من رحله علاجها اللي اكيد كان فيها مشاكل في علاجها او حتى الداعم ليها اللي هي محتاجاه مش بيساندها او يساعدها زيخفف عنها مرضها بآلامه واوجاعه وبيبقوا حاسين بغربه مهما كان حواليك العالم كله….. دورك انت ايه بقى….؟؟؟؟

دورك كانسان مش اي حاجه تانيه انك تحاول تسمعه تشوف ايه اللي مضايقه وانت مبتسم وقت ما بيضحك وبيبقى فرحان وإنك برضوا تتقبل وقت حزنه وتعبه وبكاه وضعفه وتسانده وتخفف عنه اللي ممكن في لحظه الضحكه العاليه تتقلب دموووع كتيره مسبباله وجع في قلبه……مش جسمه بس وما تقولش عليه ده اتجن كل واحد فينا شايل هموم كتير ما بالك بقى اللي شايل السرطان في جسمه وماشي بيه. ياااااريت ندعم مرضى السرطان …..ونحس بوجعهم ونفرح لفرحهم ونساندهم في حياتهم حتى لو بكلمه حلوه……

يا ساده (الدعم النفسي لمريض السرطان ) ده احساس قبل ما يبقى واجب عليك

بوابة الشباب نيوز

جاء إطلاق بوابة الشباب نيوز على الانترنت ليكون وسيلة لمعرفة الاخبار اول باول، ويمثل إضافة قوية في الفضاء الالكتروني، وجاءت انطلاقة الموقع من مصر من قلب الاحداث ليهتم بالثورات العربية والمشاكل السياسية ويغطى الفعاليات الاقتصادية والرياضية ويواكب علوم التكنولوجيا ويغطي اخبار المرآة

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى