بقلم القراء

خالد نصر…. يكتب لسه فاكر ؟

لمة العايله على الطبليه يوم الجمعة على الفطار
لسه فاكر الطعميه الجميلة والفول والزيت الحار .
لسه فاكر..
لما كل الجيران تجمع فى حوش بيتنا ونفرش ونقعد وكل أب وأم مجمعه ولادها حوليهاعلي الفطار لمة حلوة وتنافس على طبق الفول بالزيت الحار لما جارك يقولك هات طبق البتجان بتعكم وتقولة دوائنى الليمون بالعصفور والشطة النار لما تاكل ويجى والدك يمسك الجرنال ويقراء لنا الاخبار….
لسه فاكر…
التليفزيون لما كان فيه 2 قناة ولما القناة 3 جت عملنا فرحة وظيطة وانبهار لما تيجى الساعة 12 ويقراء القران والاخر تقفل القناة لسه فاكر
الصيام ورمضان وقبل الفطار وانتظار القران عشان تفرح بقرب الاذان
لسه فاكر بنت الجيران لما تقولك انا خارجة تعال معايه نجيب حجات لما اصحابك بشفوك ويقولك خلي بالك منهاااا بكل ادب واحترام
لسه فاكر صلاة العيد ولبسك مفروش علي السرير و وانت فرحان
لسه فاكر مدرستى واستاذ الحساب افرح بلبس الالعاب وحصة الموسيقى والاات
لسه فاكر حوش مدرستى وتحيه العلم والنشيد الوطنى ..
لسه فاكر… الطيبه …. الجدعنة …… لسه فاكر ….
افتكرت …. اااة …. افتكرت 2017
اااة افتكرت بقيت ما شفش ولادى خلاص…
محدش بيكلمك فيهم …
اااة افتكرت رمضان والصيام سهران وانام واصحى على الاذان
اااة افتكرت العيد والفرحة صلاة العيد وانتهى العيد
اااة افتكرت لما شوفت الجيران بأبشع الالفاظ فى العمارة
اااة افتكرت بنت الجيران خارجة والا بيعاكسها ولاد شارعهاااا
اااة افتكرت المدرسة والدروس الخصوصيه ومافيش تعليم
اااة افتكرت الغة العصريه والالفاظ البيئيه مع عوجان بسيط بالشفة العلوية
اااة فتكرت عدم الاحترام للكبير من الصغير
اااة افتكرت الاسطورة والالمانى وعبدة موتة فى الشارع امام عينى
نسيت ايوة نسيت ….
نسينااالاحترام والادب والاخلاق
نسينااا …الزمن الجميل
نسيناااا الرجولة والجدعنة
نسينااا انفسنااااااا فى دوامة الحياااة

بوابة الشباب نيوز

جاء إطلاق بوابة الشباب نيوز على الانترنت ليكون وسيلة لمعرفة الاخبار اول باول، ويمثل إضافة قوية في الفضاء الالكتروني، وجاءت انطلاقة الموقع من مصر من قلب الاحداث ليهتم بالثورات العربية والمشاكل السياسية ويغطى الفعاليات الاقتصادية والرياضية ويواكب علوم التكنولوجيا ويغطي اخبار المرآة

مقالات ذات صلة

زر الذهاب إلى الأعلى