وقال مرتجى: “أصبنا بالقشعريرة والواحد دمع من كتر الحفاوة والهتاف، وده شرف كبير جدا لأى شخص ينتمى للنادى الأهلى وجمهوره”.
وحول نظام الفقاعة، أوضح مرتجى فى مداخلة هاتفية مع الإعلامية لميس الحديدى مقدمة برنامج “كلمة أخيرة” الذى يعرض عب شاشة on: “إحنا قاعدين فى سجن بفندق، ممنوعين نخرج برة الفندق وممنوع أى حد يخش لنا، ونتحرك من الفندق للتمرين ولا أحد يختلط بنا”.
وبالنسبة إلى إمكانية زيارة محمد أبو تريكة لاعب الفريق السابق للبعثة، قال مرتجى: “مش مسموح خالص، حتى صحابنا فى قطر مش قادرين نتواصل معاهم خالص غير بالتليفون، ممنوع مخلوق يخش الفندق”.
وتابع: “كنت حاسس إنى داخل الاستاد مليان 80 ألف واحد يهتفون للنادى الأهلى، وتحدثت مع محمود الخطيب، وقلت له إن 60% من اللى كانوا بيهتفوا لك محدش منهم شافك وإنت بتلعب فما بالك لو شافوك، وده يدل إن معانا أسطورة عظيمة فى كرة القدم”.
وتابع: “وجود محمود الخطيب معانا غطى على حاجات كتير، ولما كنا بنشجعه وإحنا صغيرين وبنقول بيبو بيبو، حسينا كل ده إمبارح فى وقت كنا محتاجينه، وندعو ربنا إننا نعمل حاجة تشرف وتسعد الناس دى”.
