أكد الإعلامى سيف زاهر، أن محمود كهربا لاعب النادى الأهلى أخطأ في حق منظومة النادى الأهلى.
وتابع الإعلامى سيف زاهر خلال تقديمه برنامج “ملعب أون تايم” المذاع على قناة “أون تايم سبورت 1”: “اللى حصل من كهربا شئ عادى بيحصل في كل الأندية ولكن غلط كبير في منظومة الأهلى، والدليل هي العقوبة الأعلى في تاريخ الأهلى بسبب حجم الخطأ المرتكب”.
وأضاف سيف زاهر: “كل اللى بيحكى في قصة مشكلة كهربا بيجود ومعندوش التفاصيل كاملة حتى أنا، لأن المشكلة حدثت في غرفة الملابس ودى صعب تتنقل بكل التفاصيل حتى اللى سربها لا تثق فيه بشكل كامل، وكل واحد بيجود من عنده، ولكن الخطأ كبير والعقوبة دليل على ذلك وأحيى سيد عبد الحفيظ على توضيحها لغلق الموضوع نهائى”.
وتابع سيف زاهر: نصيحتى لكهربا لوجه الله أن فرصة اللعب للنادى الأهلى مش بتتكرر كتير يا كهربا، وأوعى تراهن على حب الجماهير ليك بس، وتواصل افتعال المشاكل، الجمهور مش هيساندك على حساب الأهلى والأمثلة كتير، فلازم تفكر كويس وتتمسك بالفرصة”
