كلمات الشاعر عمر عبدالعزيز زهيري
تفاصيل
حياتنا كلها تفاصيل نشبكها
وبيها نكتمل صوره
بلحم ودم وبذكري..
لحادثه شكلت فكره.
بلحظة حب محفوره
بطفل بشنطته رايح لمدرسته
نشوف بكره
بقلمه رصاص واستكيه يضيعها
ويوم نسياني مقلمتي
وحضن ابويا ونصيحه
…ودقة قلب في دنيا
بتعلي وتبقي لي فضيحه
احنا كلنا تفاصيل
والوانا بالوانها
ساعات نقدر نلونها بالوان تانيه عشناها
وساعات تانيه
بنرسم غيرها فوقيها بلون تحديد
يغطي جزء مالصوره.
ولما نحس بالتأبيد نعوز نمسح
..نلاقي الصوره تتشوه
..ماهو التفاصيل دهي انت
..ولو فكرت من براك هتتموه
..هتفضل برضه من جواك
ومن غيرها ماهوش هتكون
…تفاصيلنا دهي احنا
واحنا هو المكنون.
