خصصت الإعلامية فاطمة مصطفى، الفقرة الأولى من برنامجها “عالصبحية”، المذاع على الراديو 9090، اليوم الأربعاء، للحديث عن الأشخاص “الحشريين”.
وجاءت تعليقات المستخدمين كالتالى: “الحمد لله ربنا رزقنى بست جارتنا اسمها أم عادل عايزة مدفع رمضان، بتعامل مع الحشرى بأنى باخده على قد عقله ومبناولوش اللى فى باله ببقى حشرى أكتر منه لغاية أما يحس ويسكت، الحشرى بتاع الأتوبيس والمكروباص وأنا ماسك التليفون بحس إنه بيشيت مكانى أنا بقوله متفضل معيا أو استشيره فى اللى أنا بعمله بسخرية، أنا مش هعمل منشن بس هوه واحد معايا فى الشغل وحشرى لدرجة إنه بيبقى عايز يعرف أنا باكل إيه وامتى وليه وإزاى، أنا بعانى من الشخصيات دى كتير فى الشغل وعندى وحده بجد عندها قدرة غريبة إنها تدخل فى أدق تفاصيل حياتك، والله ساعات الحشرى ده بيحل مشاكل كتير ولو الواحد ينظر لتصرفاته حيلاقى نفسه حشرى فمن الممكن يكون بيحشر نفسه محبة أو يحاول يحل مشكلة، أى حاجة بيدخل فيها أقول له معرفش أو اتجاهلوا”.
