لبس الخروج
كلمات الكاتب والشاعر عمر عبدالعزيز زهيري
مكمل وماشي
تضيق الشوارع
يزيد انكماشي
واشوف الميدان
ياخدني بطوله
يغيب الادان
واحس بمطب
حفر ماليه روحي
احسس عليها
واعدي فوقيها
ولو يوم وقعت
او لو تهت فيها
اقوم من سكات
انفض همومي
واعاكس فيومي
واشارك صحابي
واصاحب غيابي
وانسي المواجع
واحب اللي راجع
يفرحني الفتات
ورغم أني شايف
باغمض ساعات
واتوه في الدروب
راضي ومش باتوب
صالحت الجوامع
سكنت البارات
وباسمع شوبان
من جوه الحارات
و فوق البروج
شايل غصن اخضر
في قلب الحروب
لابس بدله بيضا
جاهز للخروج
