كلمات ولاء حجازى
كفــــــــــاية
وبلدنا .. دى هتفرح امتى
وياعالم …في ايه متخبي
ده الفرح تايه فالسكة
والحزن جوانا معبي
والقطر أهو عدى وفات
واندفنت وياه الحكايات
وحوادث دايماً تتكرر
يوميا نصحي وفيات
آخرتها إيه طب وياكى
الظالم فيكى حاسبيه
وبنبكى من كتر بكاكى
والفاسد راح ندعى عليه
وكوارث و يا الأزمات
وحوادث دايما تتكــــرر
ودمانا راوية الأسفلت
شئ محزن جدا ويحير
رسينا مين المسئول
الوضع بقي مش معقول
ولغاية امتى هنقول
الله يرحمهم وخلاص
وهنقرا الفاتحة لموتانا
وهندفع تعويض للناس
معقولة هتكون دى بلدنا
يوميا يا شهيد يا قتيل
و فساد بقتل فأولادنا
ومفيش ولا حل بديل
والحزن مخيم فقلوبنا
والقهر له ألف دليل
ومغيم بقي كل عقولنا
دى بلدنا وده نهر النيل
أنا شكلي بجد فغيبوبة
وشبابنا يا قتيل يا جريح
ما أهو لازم يحصل أعجوبة
أو يمكن مليون تصريح
أشلاء وضحايا يوماتى
ومشاهد دايماً تتكرر
وفراقهم أصبح شئ عادى
بسهولة حياتهم تتدمر
مين فيكى يا بلدى المسئول
الناس دى فرقبة مين
طب مين لأسرهم هيعول
أطفال ويتامى ومساكين
تذكرة الموت للآخــــــــرة
ويزورهم الموت علي سهوة
أما أنت يا فقير محتاج
هتعيش وتموت غلبان
ويدوبك كلمة وهاشتاج
مع نعي والصورة كمان
علي فين واخدانا يا دنيا
ما كفاية يا بحر الأحزان
