بقلم الاعلامية والكاتبه حنان إبراهيم نائب رئيس التحرير
الحزن و الغضب و الاحباط كلها أشياء تنبأ بأن هناك أخطاء و اللى عامل نفسه مش واخد باله او اللى واخد باله بس معول على الوقت و ان كل حاجة ستحل من تلقاء نفسها ! لا مافيش حاجة بتنحل لوحدها و لو زاد الغضب و الاحباط ما حديش هايطلع سليم ،،،، احنا فى محنة و مافيش محنة ممكن تحلها الشعارات و المؤتمرات و الخطابات و التصريحات و الوقفات و الأغاني،، البطانة عمالة ترقع فى المترقع مافيش حلول على الارض !
مافيش حلول طبيعية !
مافيش نتائج سريعة ملموسة لمشاكل قديمة تراكمت عليها مشاكل جديدة !
مافيش إنكار للذات و تغليب المصالح العليا للبلاد !
مافيش افكار خارج الصندوق ! مافيش انتاج و تنمية كافية للنهوض بالدولة !
مافيش حياة سياسية حقيقية !
مافيش وعي شعبي !
مافيش علاقات خارجية متوازنة و سليمة ! مافيش نواب يشرعون قوانين يحتاجها المواطن و لا رقابة حقيقية على اداء الحكومة !
مافيش حكومة نابهة !
مافيش حد قادر يتكلم و لا نسمع غير المنافقين !
المشهد خالي من اصحاب القلوب و العقول الراجحة !
الشباب ضائع !!
محديش عاد فاهم حاجة ! الظهير الشعبي يتأكل و هذا ما نجح فيه كل من حملته أمانة و فشل فى الحفاظ عليها !
مافيش حاجات كثيرة يا ريس غير انك أنقذت البلاد من حكم جماعة الاخوان على حد تعبير البعض و هنا اقول مع احترامي لسيادتكم انك كما أنقذت الشعب من حكم جماعة الاخوان فقد انقذت الجماعة من الشعب المصري و لولا 30/6 لكان الشعب أكلهم و محاهم من على وش الارض و هو ده الانصاف من وجهة نظري المتواضعة الى جانب شيء فى غاية الأهمية و الف باء ثورات ان الثورة التي لم ينتج عنها قرارات ثورية كأنها لم تكن !
