طوفان ألم
كلمات الشاعر عمر عبدالعزيز زهيري
اكيد ساعات بتحس
إن الدنيا دي طوفان ألم
عمال تشوفها من الغيام
هتلاقي أنك تروي وردة بتقلعك
وتلاقي أنك صوت مسالم
في قطيع من اللئام
هتحب في وقت الحروب
وتحن للدفا اللي حاسه في خيالك
حنين لحضن في لحظة تكتشف أنه للأسف
كان حضن ديب
ولما تجري لملجأك
وهم في دماغك
أنت بس اللي حاسه
بينما حضنك غريب
لما تحب بجد
هتلاقي
كل من في الكون بيقدر يستبيحك
كل اللي شفته يوم بيحتاجك سند
لما بتحتاجه بينكر انت مين
بيعلي صوته يغطي علي صوت الأنين
اللي ماليك
اللي محشرج م الألم
حب واوعي ف ازمتك تستني منه طبطبة
أصل الألم عمره ما يشعر بيه
سوي قلب أنظلم
ولما يملك يظلمك
عمره مايستني
ولا يفكر في انه حتي يرحمك
وتظل داير لاجل تلقي قلب ممكن فيه تكون
لا الدينا هتآمن لها
ولا يوم هتشفي من الظنون
