كلمات الشاعر عمر عبدالعزيز زهيري
ايوه باعيط ساعات
وبيعيط ساعات
يصحي يدور عليكي
يتفاجئ بالسكات
ويواجه الحقيقه
يلاقي خوفه مات
يتكوم وسط حزنه
متكفن جوه شوقه
ينده من قلبه يسمع
همسك بيزيد حروقه
والليل ضاغط عليه
ضلمه فقلبه وعينيه
يلقي في الذكري نور .
دنيا مالياها صورتك
بشفايفك حاضنه اسمه
وشعرك بيغطي اورطك
وعيونك قايده شمعه
يا دوب بتدفي جسمه
ويلم الكون في حضنه
وبيوصل للكمال
ويدوق من طعم ريقك
يلقي براحه في ضيقك
مارد صالب في عوده
بيحقق لك وعوده
ومش همه المآل
يرجع يفتح عيونه
جفنه بيلمس ظنونه
من وسط دموعه شاف
كان مستنجد بذكري
يرجع تاني يخاف.
