أدب وشعر

انا المجنون….كلمات الشاعر عمر عبد العزيز زهيري

انا المجنون

كلمات الشاعر عمر عبد العزيز زهيري

وأنا مجروح..
بيوجعني اني احتاجك لاجل ما ابوح
..واقول انتي اللي جارحاني.
.وواجعاني وسايبالي
عذاب في الروح..
وانا مجروح…
ومحتاجلك
. باهيم علي جرحي في دنيا
وارجع اشوف في ناس تانيه
واتحاشي ولو بصه
ماهو انتي العمروالسكين
واهرب من عيون جارحه
واتداري في قلب حزين.
ومالقاكي
واشوف الدنيا فاتحالي دراعاتها
واتاري الدنيا دي بحالها ما تسواكي
مانا اصلي
لما بحب باطمن
وباستسلم وما اخونش
باسلم قلبي وحياتي
واقول العشره ما بتهونش
اتاري العشره اهي بتهون
تكونش العشره دي اوهام لشاعر
او تكونش جنون
تكونش كل احلامي وايامي كانت كدبه
ولا يكونش زي ما كنتي بتقولي
وكنت بحبها منك
“انا المجنون”؟

بوابة الشباب نيوز

جاء إطلاق بوابة الشباب نيوز على الانترنت ليكون وسيلة لمعرفة الاخبار اول باول، ويمثل إضافة قوية في الفضاء الالكتروني، وجاءت انطلاقة الموقع من مصر من قلب الاحداث ليهتم بالثورات العربية والمشاكل السياسية ويغطى الفعاليات الاقتصادية والرياضية ويواكب علوم التكنولوجيا ويغطي اخبار المرآة

مقالات ذات صلة

زر الذهاب إلى الأعلى