كلمات الكاتب والشاعر عمر عبدالعزيز زهيري
انا زعلان
جعان اصلي
ومليان برد جوه روحي ومفاصلي
ومليان خوف
وشمعه قديمه جوايا اولعها
بتطفي الشوف
انا زعلان
زعل طفل كان معايا زمان
بيشبهني
يجوز اني
عيون طفل وبتتلصص علي الشارع
وباينه من شقوق الشيش
لاهو ساكن في شرنقته
ولا عارف انه بره يعيش
وضحكه راسمها علي وشه كما جوكر
يقابل بيها كل الناس
تداري فقلقه وفخوفه
وحلم امان
بيتسرسب مع ايام
بتتطمس شكله وحروفه
دقيقه لا هو بيطولها ولا بتفوت
وحب وحلمه مش عايشه ولا بيموت
انا زعلان
وزعلي مش من فلان وفلان
ولا علشان..ولا علشان…
لانه طالما عايش
لانه طالما اني باشوف
لا يمكن اني راح افرق
ما بين الحزن……
والانسان
