حوار هبه فتحى
د/ مروه ترك
للوهله الاولى عندما تراها تحس انها طالبه صغيره ترتسم على وجهها ابتسامه صافيه وبراءه غريبه ، وتختبىء عيناها التى تحمل كثيرا من الامل وراء نظاره طبيه رقيقه.
تعرفت عليها منذ سنه تقريبا وتعرفت على افكارها التى تمتلىء بالكثير من الأمل
تحت شعار مبادرتها الجميله
“ارسم ضحكه “
ولكن اليوم سعدت جدا بما حققته هى ومجموعه العمل معها وانها استطاعت ان تحقق جزء من حلم كبير لها وهى مبادرة
“مكافحة البرد “
ولذلك كان من الواجب علينا ان نعرف الناس بها عن قرب وكان هذا الحديث معها
السؤال الاول
ناس كتير متعرفش مين مروه ممكن تعرفى نفسك؟
انا مروه وضحكت ضحكه خفيفه وبيقولو عنى سفيرة الانسانيه
وفيه من اصحابى عملى فيديو صغير ممكن الناس تتعرف عليه منه.
السؤال التانى
متى بداتى العمل الخدمى؟
وبالاخص مبادره مكافحة البرد؟
من حوالى ٥ سنين
كنت راجعه بالليل و لاقيت ناس كتير نايمه في الشارع كتبت بوست عادي جدا علي الفيسبوك اني هانزل بكره أوزع بطاطين ،
لاقيت تفاعل و ابتدئ زملائي في الشغل يشجعوا الفكره و ينضموا معانا ؛
و بقينا كل يوم ننزل منطقه مختلفه ،
اول سنه قدرنا نغطي ١٧ مكان داخل القاهره ،
شبرًا و المرج و حلوان و الهرم و منشية ناصر .
و بدا الناس تنفذ الفكره و يبعتوا صورهم ، كنا بننزل بعربيتنا.
استمرينا نعمل كده كل سنه طول شهور البرد، و بدانا كمان نشوف المدارس و نقدر نحدد الطلاب الغير قادرين ونوزع جواكت عليهم كل بدايه الشتاء .
قلت وبعدين..
واستمرينا ننزل السنه دي خامس سنه
وحلمنا نغطي مليون انسان
وكمان بدانا نعمل معارض لملابس الشتا ، لكن ازعجنا نفسيا موت حالتين من البرد
فبدانا نكتب ونقول عايزين
اماكن ايواء للناس
مسجد. كنيسه . مراكز شباب.
استوقفتها وقلتلها وده سبب نزول العربيات والقرار الجمهورى بها؟
قالتلى طبعا
الحمله اللي طلبنا فيها فتح الأماكن .
واتواصلنا مع وزارة التضامن الاجتماعي
اللي بدورها. قامت بفتح دور الرعايه للمشردين
ثم اتفا جيءنا
بالقرار الجمهورى.
اللي فعلا فرحنا انه الفكره اتحولت من مجرد شباب بتنزل بعربياتها لمشروع. قومي .وهنبدا مكافحة البرد تكون مع الاسر الغير مقتدره و المستشفيات ودور رعايه
وكفايه ان الحلم اتحقق وان المشردين اصبح ليهم مأوى وتقدر تتصل وتبلغ ويجى يستلم الحاله.
سؤال مهم جدا
ايه رايك فالناس اللى دايما بتنتقد بس وتصدر صوره قاسيه دون حراك لمجرد التشويه ؟
كان ردها بسيط وقاطع
“الانتقاد دون علم جهل ومؤذى لصاحبه دون غيره “
واكملت..
مصر مش بلد فقيره ده اولا
ثانيا والشعب المصري اكثر شعوب الارض خير
واللي يلاقي حد نايم من غير غطى اولي انه يساعده
هنا قلت بس البعض يرى ان دى مسؤلية الحكومه؟
كل انسان لديه مسئوليه مجتمعيه ،يجب ان يقوم بها لانه جزء من المجتمع
كان هنا لازم اسألها
جميل
ايصال الوعى والمشاركه المجتمعيه من وجهة نظرك ازاى نحمس الناس ليها ؟
دور الشباب مهم جدا وخلق مجال للحوار المجتمعي وتبادل الخبرات بين الأجيال
والتشابك بين كافه التخصصات للنهوض بالمجتمع .
شكرت مروه على روحها الحلوه المملؤه بالتفاؤل والخير.
وسبتها وانا بفكر ان مصر بشبابها وشعبها فعلا تقدر تتحدى اى صعب
وان مروه مثال يحتذى به هى وكل شاب قدر يساعد وحس بمسؤليه تجاه بلده دون حسبة هيدونا كام ولا هناخد ايه.
كفايه انى لما بشكرها قالت على ايه بس كفايه ان الحلم اتحقق وده كان تحدى كبير
ارسم ضحكه مع مروه وكل اللى زيها. انزل شارك وخليك مسؤل من جواك وما تخليش حاجه توقفك عن ايمانك بالخير لبلدك
